Weblog
Friday, 21 November 2008
-
喜訊
Yvonne既爸爸已經好返啦，手術相當成功!!!!佢地一家人o係當中經歷在耶穌既大能，不論係身體上既醫冶，仲係佢地心靈上都修補一切的缺口，叫佢地一家團圓，仲話等爸爸出院要一齊去講見證。好似轉眼間病好了，一家人比以前還要更加喜樂，更加見到神既亮光!!!多謝大定既祈禱支持!!
ps:祈禱唔好停呀，繼續祈求yvonne爸爸既康復同埋身體調理禱告!!!
"我是泥土"終於面世啦，有人講返俾我地聽話聽完好舒服，有人更不禁流淚，真係好感恩，因為人又可以做d咩呢，如果冇神，我地幾努力都係枉然。有興趣可以去到書室或者黎基恩買啦，用禮自用都very good ga!!
我地將一齊榮耀頌讚聲啦俾返晒神"因為離了袮，我甚麼都不能作"..........更加要將所有既不足之處，全然謙卑o係神裡面學習，並且繼續前行!!多謝大家既意見!
哎呀!!有好多既事要代禱呀!!唔該晒大家!!!!
1)繼續為Yvonne 爸爸同一家人祈禱
2)為我地黎緊12月25日上水大球場既活動祈禱(天氣，流程，協調，詩班和敬拜隊練習，大家既身心靈預備)
3)為詩班員Charmaine Sze身體祈禱，佢既癌細胞既經嚴重擴散
4)基恩既資源祈求......人力(合適既人才)，物力(電腦).......等等
最重要既就係........我地能夠靠主既恩典，與主同行!!天天榮耀神既名!!!!!
Wednesday, 29 October 2008
-
基恩詩班練習
尋日又係我地基恩詩班既恆常練習啦，弟兄姊妹一早就黎到，可見大家放工放學都趕黎，係幾值得欣賞!!
除左練歌之外，Anna姊妹亦都為我地分享，當中提及到一d帶領詩班既心路歷程，大家都相當留心聽，最後Anna更為我地祝福祈禱。之後Yvonne將黎緊推出既新碟"我是泥土"俾大家先睹為快，因為依隻碟係我地親愛既詩班有份錄音ga!!當我地傳個CD盒同歌書黎睇既時候，大家都急不及代搵o下有冇自己個樣，議論紛紛，非常搞笑!!在場大家一聽到音樂響起，都興奮到一齊唱起黎，好感動呀!!
最後我地仲一齊唱返果幾首歌，大家都好投入，好好聽呀!!!!"喜訊"成為我地結束前既last一首，一路唱既時候，大家都笑到見牙唔見眼!!
我見到咁開心，就即刻攞部超低像數既手機影低佢，唔理得咁多啦，因為實在太正啦!!
想一想
我現在是要得人的心呢﹖還是要得神的心呢﹖我豈是討人的喜歡麼﹖
若仍舊討人的喜歡，我就不是基督的僕人了。加 1: 10願主祝福我們既生命"一生榮耀袮"，在高處在低處，都要討祢喜悅，做袮合用既器皿!!
Friday, 24 October 2008
Tuesday, 21 October 2008
-
愛裏沒有懼怕佈道會
加料花絮
蔡醫當日既分享實在太感動，觸動人心!!你睇o下佢呼召既時候，幾有信心!!相信神真係好用佢呀!!
Julian同詩班型幾認真!!!加油呀︿下次預埋你地呀!!
我哋真係好感恩,見到呀B同Emily真係好感動,真係希望日日都敬拜主呀!
你哋見晤見到Miggie個口呀!HaHa
Emily 你指乜呀! HaHa
_____________________________________________________________________________________________________________________________
你們要讚美耶和華！在神的聖所讚美他！在他顯能力的穹蒼讚美他！
要因他大能的作為讚美他，按著他極美的大德讚美他！
要用角聲讚美他，鼓瑟彈琴讚美他！
擊鼓跳舞讚美他！用絲弦的樂器和簫的聲音讚美他！
用大響的鈸讚美他！用高聲的鈸讚美他！
凡有氣息的都要讚美耶和華！你們要讚美耶和華！詩篇150
Monday, 20 October 2008
-
我是泥土
感謝主!!!基恩o係10月尾會發行新既廣東碟，名為"我是泥土"。好開心神又親自感動Yvonne寫左一系列既歌，裡面既內容都好有意義，期望神藉此大大興起人既生命。o係製作過程裡面，各部門既同工都相當經歷神，今次我地仲邀請左一班非常有心既弟兄姊妹參與錄音既工作，有詩班、弦樂及長笛等。我地相信，冇神既呼召，神既恩典，單靠人既能力實在冇可能感動到咁多人一齊事奉。而家已經到尾聲啦，只差最後一步，求神袮大大保守!!我地同心多謝袮一直都o係我地當中看顧我地，將榮耀全歸於袮!!
"不是我們愛神，乃是神愛我們，差生的兒子，為我們的罪作了挽回祭，這就是愛了。"約一4:10
Hansun:我要彈你!!你唔好走音呀!! 
Wai:我要聽聽d歌，第時要出卡拉OK!
Hansun專心d啦，我同Apple講野你都聽唔到ga啦!!haha!
CD好快就推出ga啦，請大家密切留意我地既消息!!唔好錯過呀!
AmazingGrace2004
-
- Name: AmazingGrace2004
- Member Since: 9/12/2006
Connect
About Me
-
http://www.agwmm.com
Chatboard (0)